වර්ෂ 2013ක් වූ ජූලි මස 34වන බදාදා දිනකි. වේලාව 11 පසුවී මිනිත්තු එකකි. බල්ලන් උඩබුරති. නින්දට යෑමේ අවශ්‍යතාවක්ද නැත්තේය. මන්දයත් අද දින සිදුවීම් සයිබර් අවකාශගත කිරීමේ අපේක්ෂාව නිසාවෙනි. වේදිකා නාට්‍ය බැලීම ධනා ප්‍රිය කරන එක් විශයකි. එය කා විසින් පෘදු කරන ලද්දක්ද, එයට හේතුව කුමක්ද යන්න සෙවීමට තරම් උනන්දුවක් ධනාට නැත. වර්ෂ 2010 සිට මේ වන තෙක්ම අප ප්‍රදේශයට පැමිණි විවිධ ඝණයේ නාට්‍ය අතුරෙන් ධනාට රසවින්ඳීමට අතපසු වී ඇත්තේ එක් වේදිකා නාට්‍යයක් හෝ දෙකක් පමණි. "බල්ලොත් එක්ක බෑ" ඉන් එකකි. ධනාගෙ පාසල් ශ්‍රවනාගාරය, ශාන්ත අන්තෝනි තාක්ෂණ විද්‍යාලිය ශ්‍රවනාගාරය, කැළණි විශ්ව විද්‍යාලීය ශ්‍රවනාගාරය, ටවර් හෝල්, ආදී ථාන ධනාට නාට්‍ය බැලීමෙහි ලා නවමු අත්දැකීමක් ගෙන නොම එයි.
